გაიცანით პირველი მაისის საჯარო სკოლის ქართული ენისა და ლიტერატურის წარმატებული მასწავლებელი ნინელი ხუხია
15-05-2019
დაკოპირებულია
-
+
ხობის მუნიციპალიტეტს ამ ეტაპზე სულ ოთხი წამყვანი მასწავლებელი ჰყავს, მათ შორისაა ესტატე შუშანიას სახელობის პირველი მაისის საჯარო ქართული ენისა და ლიტერატურის მასწავლებელი ნინელი ხუხია.
სკოლამ etaloni.ge-ს პედაგოგის შესახებ ვრცელი და საინტერესო ინფორმაცია მიაწოდა, რომელსაც უცვლელად გთავაზობთ:
„ქალბატონი ნინელის სახელს უკავშირდება უამრავი სასკოლო ღონისძიება თუ წარმატებული პროექტი. იგი ხელმძღვანელობს სკოლის ინტელექტუალთა გუნდს (კონკურსი „ჩვენ ვსწავლობთ ბიბლიას“), რომელსაც ყოველ წელს სამეგრელოს რეგიონის მასშტაბით ერთ-ერთი საუკეთესოა, ხოლო საქართველოს კერძო (მათ შორის სასულიერო) და საჯარო სკოლებს შორის საუკეთესო 10-15 გუნდში შედის.
ქალბატონი ნინელი წლების მანძილზე ხელმძღვანელობს მოსწავლეთა კალიგრაფიის წრეს. მისი მოსწავლეები არაერთხელ გამხდარან კალიგრაფიის კონკურსების ფინალისტები და გამარჯვებულები.
და ყველაზე მთავარი! ქალბატონმა ნინელიმ მისი სადამრიგებლო კლასების მოსწავლეთათვის წლების მანძილზე დაამკვიდრა ტრადიცია - სრულიად უანგაროდ ემსახუროს მათ დამატებით, რის გამოც დიდ მადლიერებას გამოხატავენ მოსწავლეთა მშობლები. ქალბატონი ნინელი ხუხიასთვის სკოლა დიდი ტაძარია, რომელსაც გულმხურვალედ და დაუღალავად ემსახურება“.
მოსწავლეების თვალი დანახული წელიწადის ყველაზე ფერადი სეზონი და საინტერესო გამოფენა - დღე, რომელიც მოსწავლეებისთვის ძალიან საინტერესო და დასამახსოვრებელი აღმოჩნდა