მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
ლევან გოთუას სახელობის რუსთავის N17 საჯარო სკოლა გარემოსდაცვით კონკურსში - „ნიკო კეცხოველის სასკოლო პრემია 2021“ აქტიურად არის ჩართული.
სკოლის ეკოკლუბი „დომინანტი“, მოცემული მიზნების შესაბამისად, მუდმივად ახორციელებს აქტივობებს როგორც სკოლაში, ასევე სკოლის გარეთ.
გასულ წელს, სკოლა აღნიშნული პროექტის -„ნიკო კეცხოველის სასკოლო პრემია 2020“ -ის ფინალისტი იყო და ეკოკლუბელები წელსაც, წარმატების მოლოდინით საინტერესო აქტივობებს გეგმავენ.
„კონკურსის მთავარი მიზანია, მოსწავლეებმა საკუთარი ხელით შეძლონ, განახორციელონ ცვლილებები და გააუმჯობესონ ბუნებრივი და სოციალური გარემო.
ჩვენი ეკოკლუბელები კი მომავალი ლიდერები არიან, რომლებიც ხელს შეუწყობენ სათემო განვითარებას და ცვლილებებს, უკეთესი გარემოს მისაღწევად“, - აღნიშნავს სკოლის წარმომადგენელი.
იხილეთ ფოტოები