ქობულეთის მუნიციპალიტეტის სოფელ დაგვას საჯარო სკოლაში პროექტი - „მშვიდობიანი თანაარსებობის პოპულარიზაცია ქართულ-ბერძნული თემის მაგალითზე“ განხორციელდა.

პროექტში მე-9 და მე-10 კლასის მოსწავლეები მონაწილეობდნენ.

პროექტს ფასილიტაციას სამოქალაქო განათლების მასწავლებელი, რუსუდან ჯიჯავაძე უწევდა.

აქტივობაში ჩართული იყო ბათუმის შოთა რუსთაველის სახელობის სახელმწიფო უნივერსიტეტის სტუდენტი, მეგი ქამაშიძე.

სკოლის ინფორმაციით, პროექტის განხორციელება ორი თვის განმავლობაში მიმდინარეობდა და მისი მხარდამჭერი ნორვეგიის საგარეო საქმეთა სამინისტრო იყო.

სხვადასხვა აქტივობების წარმატებით განხორციელების შემდეგ გაიმართა  პროექტის დასკვნითი ეტაპი. მოსწავლეებს სიგელები და სახელმძღვანელოები გადაეცათ.

იხილეთ ფოტოები