მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
ესაა დღე, როდესაც 12 წლის განმავლობაში დაგროვილი მოგონებები ერთად იყრის თავს, არის წარწერებით აჭრელებული თეთრი პერანგები, კეთილი სურვილები და ცოტა ცრემლიც.
ბოლო ზარი დაირეკა ხაშურის მუნიციპალიტეტის, სატივის საჯარო სკოლაშიც და ბავშვები ცხოვრების ახალ ასპარეზზე დიდი სიყვარულით გააცილეს. ეს მნიშვნელოვანი, ამაღელვებელი და ბედნიერი დღეა ყველა მეთორმეტეკლასელისთვის! სატივის საჯარო სკოლის მოსწავლეებმა კიდევ ერთი დღე გაატარეს ერთად, რომელიც არასოდეს დაავიწყდებათ.
დამრიგებელმა და უმცროსმა მეგობრებმა სიურპრიზად, დიდი სიყვარულით მორთული ოთახი დაახვედრეს დამამთავრებელი კლასის მოსწავლეებს, მოეწყო მხიარული სტარტები, სადაც ჩართული იყვნენ მოსწავლეებთან ერთად მასწავლებლებიც.
„ჩვენი სკოლის მოსწავლეებს ვულოცავთ სკოლის დამთავრებას, ვუსურვებთ წინსვლასა და წარმატებას. მასწავლებლებისა და უმცროსკლასელი მოსწავლეების მონდომებით, დასამახსოვრებელი გავხადეთ მე-12 კლასელების ბოლო დღე სკოლაში“, - აღნიშნულია სატივის საჯარო სკოლის მიერ გავრცელებულ ინფორმაციაში.
იხილეთ ფოტოები
„საკლასო ოთახში დისციპლინა ნიშნავს ყველა მოსწავლის ჩართვას გაკვეთილზე“