ქართულ-ამერიკული სკოლა „პროგრესის“ ბათუმის ფილიალში მოსწავლეებს ყველა საგანს, მათ შორის ისტორიას ძალიან საინტერესოდ ასწავლიან.

ისტორიული მოვლენები მოსწავლეებს ხატოვნად და თავგადასავლებად ამახსოვრდებათ და ეს პედაგოგების დამსახურებაა.

ერთ-ერთი პედაგოგი, რომელიც ისტორიას ქართულად და ინგლისურად ასწავლის სალომე კობერიძეა. სალომემ ქართულ-ამერიკული სკოლა „პროგრესის“ ბათუმის ფილიალში სწავლებამდე გზა საგანმანათლებლო აქტივობებით გაიარა. დაამთავრა ბათუმის ფიზიკა-მათემატიკური სკოლა, სწავლობდა ჰუმანიტარულ მეცნიერებათა ფაკულტეტის ისტორიის სპეციალობაზე და გახლავთ  ისტორიის მაგისტრი; 

სალომეს ასევე, გავლილი აქვს მასწავლებლის მომზადებისა და გადამზადების პროგრამა. მუდმივი განვითარების და პროგრესის მიზნით დოქტორანტურაში გააგრძელებს სწავლას.

უყვარს ბავშვები და მათთვის ცოდნის გაზიარება, თანაც ისე რომ არასოდეს დაავიწყდეთ. სწორედ ამიტომ მისი ყოველი გაკვეთილი ბავშვებისთვის ზეიმია.

ქართულ-ამერიკული სკოლა „პროგრესის“ ბათუმის ფილიალი სალომე კობერიძეს საგანმანათლებლო საქმიანობაში წარმატებებს უსურვებს. მისი შრომით და ცოდნით უამრავი ღირსეული მოსწავლე გაიზრდება არამარტო სკოლის, არამედ ქვეყნის სასახელოდ.