ფარცხანაყანევის №2 საჯარო სკოლასთან საფრთხისშემცველი ხეები მოიჭრა
27-08-2021
დაკოპირებულია
-
+
მამია ფანცულაიას სახელობის წყალტუბოს მუნიციპალიტეტის სოფელ ფარცხანაყანევის N2 საჯარო სკოლის წინ შენობისათვის საფრთხისშემცველი ხეები მოიჭრა.
ინფორმაციას ფარცხანაყანევის სკოლა ავრცელებს. დირექცია მადლობა უხდის მუნიციპალიტეტის მერიას დროული რეაგირებისათვის.
„ფარცხანაყანევის №2 საჯარო სკოლის დირექცია მადლობას უხდის წყალტუბოს მუნიციპალიტეტის მერიას და მერის წარმომადგენელს სოფელ ფარცხანაყანევში ბატონ ნიკოლოზ თევდორაძეს, სკოლისთვის საფრთხისშემცველი ხეების ოპერატიულად მოჭრისთვის, ასევე სკოლასთან მისასვლელი გზის მშენებლობის დაწყებისთვის, რომელიც უკვე აქტიურ ფაზაში შევიდა“,- ნათქვამია გავრცელებულ ინფორმაციაში.