გეგუთის N1 საჯარო სკოლას 2021-2022 სასწავლო წლიდან ახალი შენობა ექნება
27-08-2021
დაკოპირებულია
-
+
წყალტუბოს მუნიციპალიტეტის სოფელ გეგუთის N1 საჯარო სკოლა, სულ მალე მშობლიურ ადგილს დაუბრუნდება და ახალ სასწავლო წელს, ახლადაშენებულ შენობაში დაიწყებს.
სკოლის ახალი შენობა უკვე აშენებულია და ეზოს გარკვეული ნაწილი სამშენებლო კომპანიის მიერ მოპირკეთდება. სკოლის ეზოს დანარჩენი ნაწილი კი სკოლის დირექტორის, მაია მამისეიშვილის თხოვნით მშობლებისა და მოსწავლეების ერთობლივი ძალისხმევით დასუფთავდება და მოწესრიგდება.
„ჩემო გეგუთელო მეგობრებო, ახლოვდება ის დრო, როცა გეგუთის N1 საჯარო სკოლა სრული შემადგენლობით თავის ადგილს უნდა დაუბრუნდეს... 6 წლის წინ დროებით დავტოვეთ ჩვენი ტერიტორია, ახალი სკოლაც აშენდა, ეზოს გარკვეული ნაწილი მოპირკეთდება სამშენებლო კომპანიის მიერ, ხოლო დანარჩენს - 6 წლის მიტოვებულს - პირვანდელი სახე უნდა დავუბრუნოთ, ბავშვების დასახვედრად მოვამზადოთ, გავალამაზოთ. გთხოვთ, ჩვენი სკოლის მოსწავლეთა მშობლებს, სკოლის კურსდამთავრებულებს, სოფლის თავშეყრის ადგილებში მყოფ ადამიანებს, ახალგაზრდობას, გავნაწილდეთ სხვადასხვა სამუშაო დღეს, მონაწილეობა მივიღოთ სკოლის ეზოს დასუფთავებაში და საქმიანი თანადგომა განვაცხადოთ ჩვენი ჩართულობით! მჯერა, არ დაიშურებთ ერთი დღის შრომას! მადლობა! მიყვარხართ!“, - განაცხადა, გეგუთის N1 საჯარო სკოლის დირექტორმა, მაია მამისეიშვილმა.