სკოლის 18 პედაგოგიდან 17 სერტიფიცირებულია - ხულოს მუნიციპალიტეტის განახლების საჯარო სკოლის პედაგოგებმა გამოცდები წარმატებით ჩააბარეს
27-08-2021
დაკოპირებულია
-
+
ხულოს მუნიციპალიტეტის სოფელ განახლების საჯარო სკოლის პედაგოგები მუდმივად იღწვიან პროფესიული ზრდა-განვითარებისკენ.
სკოლის ორმა პედაგოგმა: გია ბოლქვაძემ და ქეთი დეკაძემ მასწავლებელთა სასერტიფიკაციო გამოცდები წარმატებით ჩააბარეს, რაც სკოლისთვის ნამდვილად საამაყო ფაქტია. ამჟამად სკოლის პედაგოგებიდან 17 მასწავლებელია სერტიფიცირებული.
„დღეს კარგი დღეა. განახლების საჯარო სკოლას 18 მასწავლებელი ჰყავს. მათგან 15 მასწავლებელი იყო სერტიფიცირებული. დღეს კი მათ რიგებს შეუერთდა ორი მასწავლებელი: გია ბოლქვაძე და ქეთი დეკანაძე. ამჟამად 18-დან 17 სერტიფიცირებული მასწავლებელი ჰყავს სკოლას. ვულოცავ განახლების საჯარო სკოლის გუნდს ამ დიდ სიხარულს და შემდგომ წარმატებებს ვუსურვებ. ამ მძიმე ეპიდსიტუაციის ფონზე დღეს მთელი კოლექტივი გახარებულია და ულოცავს ქეთის და გიას ამ წარმატებას“. - აღნიშნა განახლების საჯარო სკოლის დირექტორმა, ლია ბოლქვაძემ.