ლეციცხვაიეს საჯარო სკოლის ეკოკლუბი გარემოსდაცვით კამპანიაში ჩაერთო
03-01-2022
დაკოპირებულია
-
+
გელა ჭედიას სახელობის მარტვილის მუნიციპალიტეტის სოფელ ლეციცხვაიეს საჯარო სკოლის ეკოკლუბი „ეკოჰარმონია“ კამპანიაში „ნუ მოჭრი - მორთე“ ჩაერთო.
აღნიშნული კამპანია საახალწლოდ წიწვოვანი მცენარეების მოჭრის პრევენციის მიზნით იმართება.
მოსწავლეებმა სკოლის ეზოში არსებული ნაძვები მეორადი მასალისგან მორთეს და ბუნების დაცვის მნიშვნელობაზე ისაუბრეს.
სკოლის დირექციამ კამპანიაში ჩართვისათვის მოსწავლეებს მადლობა გადაუხადა.
„ეკოჰარმონია“ ჩაერთო გარემოს დაცვისა და სოფლის მეურნეობის სამინისტროს მიერ წინასაახალწლოდ წიწვოვნების ჭრის პრევენციის მიზნით განხორციელებულ მასშტაბურ კამპანიაში - „ნუ მოჭრი - მორთე“, რომლის მიზანი საპრევენციო აქტივობებში საზოგადოების ჩართულობა და ცნობიერების ამაღლებაა. ეკოკლუბელებმა ამავე სკოლაში არსებული, მათ მიერ დარგული ბუნებრივი ნაძვის ხეები მეორადი მასალებისგან, პოლიეთილენს ბოთლების, პარკების, თუნუქის ქილების, ნაჭრებისგან დამზადებული აქსესუარებით სიმბოლურად მორთეს.
სკოლის დირექციამ მადლობა გადაუხადა ეკოკლუბელებს სკოლაში საახალწლო განწყობის შექმნისთვის. მათ განაცხადეს, რომ მომავალი თაობისთვის ცნობიერების ამაღლება გარემოს დაცვასთან დაკავშირებით, მით უმეტეს, ასეთი წამახალისებელი აქტივობებით, ძალიან მნიშვნელოვანია“,- აღნიშნულია სკოლის მიერ მოწოდებულ ინფორმაციაში.
მსგავსი აქტივობებით მოსწავლეებს განუვითარდათ ციფრული წიგნიერებისა და შემოქმედებითი აზროვნების უნარები. ასევე გაიზარდა მათი მოტივაცია და ჩართულობა სასკოლო ცხოვრებაში